ԵՐԵՎԱՆ, ԱՊՐԻԼԻ 8, 24News
Մարտի 29-ին ոստիկանության Կենտրոնական բաժնի Մարաշի բաժանմունքի ծառայողները, իրացնելով օպերատիվ տեղեկությունները, Աթոյան փողոցում հայտնաբերել, ապօրինի զենք, զինամթերք պահելու և կրելու հիմնավոր կասկածանքով ձերբակալել ու ոստիկանության Կենտրոնական բաժին էին տեղափոխել Երևանի բնակիչ 45-ամյա մի տղամարդու՝ իր վարած «Մերսեդեսով» հանդերձ: Մեքենայի սրահի տեսանելի հատվածում ոստիկանները նկատել էին թմբուկավոր ատրճանակ:
Մեքենան տեղափոխվել էր բաժնի հատուկ պահպանվող տարածք:
Տղամարդը և կազմված փաստաթղթերը ներկայացվել էին նախաքննական մարմին:
Նախաձեռնված քրեական վարույթի շրջանակում կատարված խուզարկությամբ մեքենայում հայտնաբերվել են թմբուկավոր ատրճանակ և ձայնային փամփուշտներ:
Նախաքննությունը շարունակվում է: Հանգամանքները պարզվում են:
--00—ՍՊ