ԵՐԵՎԱՆ, ԱՊՐԻԼԻ 17, 24News
Եվրամիության արտաքին հարաբերությունների և անվտանգության քաղաքականության բարձր ներկայացուցիչ Ժոզեպ Բորելը Կոսովոյում և Ուզբեկստանում ԵՄ առաքելությունների ղեկավարների պաշտոններում առաջադրել է էստոնացի դիվանագետներ Այվո Օրավի և Տոյվո Կլաարի թեկնածությունը։
Ինչպես հաղորդում է ԱՊԱ-ն, Այվո Օրավը ներկայումս Եվրամիությունում Էստոնիայի մշտական ներկայացուցիչն է, իսկ Տոյվո Կլաարը զբաղեցնում է Հարավային Կովկասում ԵՄ հատուկ ներկայացուցչի պաշտոնը։
Դիվանագետների նշանակումներն իրենց նոր պաշտոններում ուժի մեջ կմտնեն այն բանից հետո, երբ նրանք պաշտոնական հաստատում ստանան այն երկրներից, որտեղ նշանակվել են դիվանագիտական աշխատանքի համար։
Ընդհանուր առմամբ, Բորելը երրորդ երկրներում ԵՄ դիվանագիտական ներկայացուցչություններում բարձր պաշտոններում ներկայացրել է 44 հոգու թեկնածություն։
--00—ՅՄ