ԵՐԵՎԱՆ, ՆՈՅԵՄԲԵՐԻ 3, 24News
ՀՀ վարչապետ Նիկոլ Փաշինյանը ցավակցական հեռագիր է հղել Ավստրիայի կանցլեր Սեբաստիան Կուրցին:
«Խոր ցավով տեղեկացա Վիեննայում տեղի ունեցած ահաբեկչության մասին, որն անմեղ զոհերի և վիրավորների պատճառ հանդիսացավ։
Մենք խստորեն դատապարտում ենք այդ զարհուրելի ոճրագործությունը և մեր աջակցությունն ենք հայտնում Ավստրիայի կառավարությանն ու ժողովրդին:
Հայ ժողովուրդը, որն այս օրերին ԼՂ-ում պայքարում է վարձկան ահաբեկիչների դեմ, լիովին հասկանում և կիսում է Ավստրիայի բարեկամ ժողովրդի զգացմունքները:
Մեր ցավակցություններն ենք հայտնում զոհվածների ընտանիքներին և մտերիմներին՝ մաղթելով նրանց տոկունություն և ոգու արիություն, իսկ վիրավորներին՝ շուտափույթ ապաքինում»,- նշված է հեռագրում:
--00--ԱԹ