ԵՐԵՎԱՆ, ՆՈՅԵՄԲԵՐԻ 6, 24News
Երեկ «Լուսավոր Հայաստան» խմբակցությունը դիմել է ՀՀ կառավարությանն ու խորհրդարանականներին՝ առաջարկելով պատգամավոր Մխիթար Հայրապետյանի կողմից շրջանառության մեջ դրված և այնուհետև հետաձգված նախագծի հրատապ քննարկման և ընդունման գործընթացի նախաձեռնումը՝ նախագծում ռազմական դրության ժամանակ անհայտ կորած անձանց կարգավիճակը հստակեցնող և զինծառայողին հասանելիք դրամական ապահովության՝ նրանց ընտանիքի անդամներին հասանելի դարձնելու ընթացակարգեր սահմանող կարգավորումներ նախատեսելով, ինչպես նաև կամավորագրվածների կամ աշխարհազորայինների նկատմամբ համարժեք մոտեցում ցուցաբերելով։ Այդ մասին Ֆեյսբուքի էջում գրել է «Լուսավոր Հայաստան» խմբակցության ղեկավար Էդմոն Մարուքյանը:
«Այս պահին մեր կողմից նոր նախագիծ շրջանառության մեջ դնելը նպատակահարմար չէ, քանի որ խնդրի մի մասի վերաբերյալ արդեն շրջանառության մեջ գտնվող նախագիծ կա, միաժամանակ` ԱԺ կանոնակարգով սահմանված ժամկետները պահպանելու խնդրից ելնելով։
Միաժամանակ, մեր կողմից առաջարկվել է կարիքի դեպքում օրենսդրական ակտի մշակման աշխատանքներին ներգրավվում՝ խնդիրը հնարավորինս շտապ լուծելու նպատակով»,- գրել է Մարուքյանը։
Գրության մանրամասներ ստորև․
--00--ԱՀ