ԵՐԵՎԱՆ, ՓԵՏՐՎԱՐԻ 26, 24News
Այսօր՝ ժամը 11-ին, նախատեսված է ԱԺ խորհրդի նիստ հրավիրել, որի շրջանակում պետք է քննարկվի ԱԺ «Լուսավոր Հայաստան» և «Բարգավաճ Հայաստան» խմբակցությունների՝ արտահերթ նիստ հրավիրելու նախաձեռնությունը:
Արտհերթ նիստի օրակարգում ռազմական դրությունը չեղարկելու հարցն է լինելու։ Նախատեսվում է նաև երկրում ստեղծված ներքաղաքական իրավիճակի վերաբերյալ քննարկում։
Հիշեցնենք, որ ԱԺ խորհրդի նիստը պետք է կայանար փետրվարի 25-ին՝ ժամը 18։00-ին, սակայն ԱԺ «Իմ քայլի» խմբակցության պատգամավորները չէին ներկայացել խորհրդարան, և նիստը չեղարկվել էր։
ՀՀ զինված ուժերը փետրվարի 25-ին հայտարարություն է տարածել՝ պահանջելով ՀՀ վարչապետի և կառավարության հրաժարականը, միաժամանակ նախազգուշացրել ձեռնպահ մնալ ժողովրդի դեմ ուժ կիրառելուց։
--00—ԼՄ