Հոկտեմբերի 27-ից՝ 22 տարի անց․ ոճրագործության պատվիրատուները ցայսօր հայտնի չեն

ԵՐԵՎԱՆ, ՀՈԿՏԵՄԲԵՐԻ 26, 24News

8

1999 թվականի հոկտեմբերի 27-ի Հայաստանի Ազգային ժողովում ընթանում էր խորհրդարան-կառավարություն հարց ու պատասխանը, երբ նիստերի դահլիճ մուտք գործեց զինված մի խումբ և կրակահերթ բացեց պաշտոնյաների ուղղությամբ։ Ահաբեկչական խմբի գործողությունների հետևանքով զոհվեցին ՀՀ ԱԺ նախագահ Կարեն Դեմիրճյանը, վարչապետ Վազգեն Սարգսյանը և 6 այլ պետական գործիչներ ու ԱԺ պատգամավորներ, 8 մարդ վիրավոր էր։

նկար

Ահաբեկչական խումբը պատանդ վերցրեց նաև 91 անձի՝ պատգամավորների և նիստը լուսաբանող լրագրողների։ Վերջիններիս որոշ ժամանակ անց ահաբեկիչները դուրս թողեցին վիրավոր պատգամավորների ու կառավարության անդամների հետ։

նկար

Պատանդ մնացած անձինք ազատ արձակվեցին հոկտեմբերի 28-ի լուսադեմին՝ ահաբեկիչների կողմից զենքերը վայր դնելուց ու հանձնվելուց հետո։

նկար

Ահաբեկչությունը իրականացրած ահաբեկիչների դատավճիռը հրապարակվեց 2003 թվականի դեկտեմբերի 2-ին։ Ըստ այդմ՝ 7 ոճրագործներից 6-ը դատապարտվեց ցմահ, մեկը՝ 14 տարվա ազատազրկման։ Բուն գործողությունը իրակացնողները 5-ն էին, պարագլուխը՝ լրագրող Նաիրի Հունանյանը։ Նա ցայսօր անազատության մեջ է։

նկար

Հոկտեմբերի 27-ի դեպքը երկու տասնյակից ավելի տարիներ անց դեռ ամբողջությամբ բացահայտված չէ։ Հայտնի չեն ոճրագործության պատվիրատուների անունները։

--00—ԼՄ 

Տեսանյութեր