ԵՐԵՎԱՆ, ՆՈՅԵՄԲԵՐԻ 10, 24 News
ԵԱՀԿ Մինսկի խմբի համանախագահների ձևաչափը միջազգային լայն աջակցություն է վայելում. այդ մասին նշված է ՌԴ ԱԳՆ այս տարվա նոյեմբերի 9-ի հայտարարության մեջ։ Այսօր լրատվամիջոցների հետ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան՝ անդրադառնալով 2020 թ. նոյեմբերի 9-ի եռակողմ պայմանագրի ստորագրումից հետո ԵԱՀ ՄԽ համանախագահության աշխատանքի հեռանկարներին:
«Կարևոր ենք համարում ԵԱՀԿ Մինսկի խմբի եռյակի ուղղությամբ ջանքերի շարունակությունը՝ առաջին հերթին տարածաշրջանի առջև ծառացած սոցիալ-տնտեսական, հումանիտար մարտահրավերների լուծման համատեքստում»,- ասել է նա։
Զախարովան տեղեկացրել է` ԵԱՀԿ ՄԽ համանախագահների եռյակը պատրաստվում է շփումների եվրոպական մի շարք մայրաքաղաքներում:
«Մենք կարծում ենք, որ կարևոր է հնարավորինս շուտ վերսկսել ԵԱՀԿ Մինսկի խմբի համանախագահների լայնածավալ ուղևորությունների պրակտիկան այս տարածաշրջան»,- նշել է Զախարովան։
--00--ԱԹ