ԵՐԵՎԱՆ, ՀՈՒՆՎԱՐԻ 9, 24News
Բերդավանում բացվել է 44-օրյա պատերազմում զոհվածների հիշատակը հավերժացնող հուշահամալիր: Այս մասին տեղեկանում ենք Տավուշի թեմի ֆեյսբուքյան էջից:
«Գյուղի բարձունքին բացվեց իրենց կյանքը զոհաբերած բերդավանցի հերոսների հիշատակին նվիրված հուշահամալիրը, օծվեց խաչքարը։
Այն կառուցվել է «Բերդավան» հիմնադրամի նախաձեռնությամբ՝ բերդավանցիների և ընկերների աջակցությամբ։
Կամիր ժապավենը կտրեցին, խաչքարի՝ ջրով և գինով լվացումն արեցին մեր նահատակների ընտանիքների անդամները։
Մեր նահատակ զավակների, եղբայրների ու հայրերի սխրանքին ու հաղթանակի տեսիլքին հավատարիմ ապրենք, որպեսզի կարողանանք վերականգնել մեր արժանապատվությունը և նզովված չգնալ այս աշխարհից»։
--00—ԼՄ