ԵՐԵՎԱՆ, ՍԵՊՏԵՄԲԵՐԻ 8, 24News
ԱՄՆ-ի նախագահ Ջո Բայդենը սեպտեմբերի 8-ին տեսակապի ռեժիմով բանակցություններ կվարի «յոթնյակի», ՆԱՏՕ-ի եւ Եվրամիության ղեկավարների հետ Ուկրաինայի հետագա աջակցության հարցով: Այդ մասին, ինչպես տեղեկացնում է «Արմենպրես»-ը, սեպտեմբերի 8-ին հաղորդել է Bloomberg գործակալությունը՝ վկայակոչելով աղբյուրներ:
Նրանց տվյալներով՝ տեսակոնֆերանսը կկայանա Վաշինգտոնի ժամանակով սեպտեմբերի 8-ի ուշ առավոտյան: Գործակալության զրուցակիցներից մեկը նշել է, որ հենց այս ձեւանչափով են դաշնակիցները շփվել Ուկրաինայի հակամարտության ամենասկզբում, եւ Միացյալ Նահանգների ղեկավարը որոշել է վերականգնել այն մարտական գործողությունների շարունակման ֆոնին: Բայդենն, ինչպես գրում է գործակալությունը, ձգտում է պահպանելու միասնությունն Ուկրաինայի աջակցության հարցով, հաղորդել է ՏԱՍՍ-ը:
--00—ԶՀ