ԵՐԵՎԱՆ, ԴԵԿՏԵՄԲԵՐԻ 19, 24News
Դեկտեմբերի 15-ին, ժամը 22.30-ին, ոստիկանության Աշտարակի բաժնի համայնքային ոստիկանները Տիգրան Մեծի փողոցում հայտնաբերել,ձերբակալել ու բաժին են տարել 33 և 37 տարեկան երկու տղամարդկանց, որոնցից մեկը՝ Փարպի գյուղի, մյուսը՝ Օշականի բնակիչ են եղել։ Այս մասին ասվում է ոստիկանության հաղորդագրությունում:
33-ամյա տղամարդու խուզարկությամբ հայտնաբերվել են մարիխուանայի նմանվող զանգվածով փաթեթ և կաթուցիչ։ Ըստ նրա՝ հայտնաբերվածը թմրամիջոց է, կանեփի վայրաճ թփերից պատրաստել էր իր օգտագործման համար։ Նախաձեռնվել է քրեական վարույթ։ Տղամարդիկ և դեպքի վերաբերյալ կազմված փաստաթղթերը ներկայացվել են տարածքային քննչական վարչություն։ Հանգամանքները նախաքննությամբ պարզվում են։
--00--ԱՀ