ԵՐԵՎԱՆ, ՀՈՒՆՎԱՐԻ 13, 24News
ԱՀ Առողջապահության նախարար Սամվել Ավետիսյանը նախարարության պատասխանատուների հետ այցելել է «Ք․Քոքսի անվան վերականգնողական կենտրոն» ՊՈԱԿ, «Մաշկավեներոլոգիական դիսպանսեր» ՓԲԸ և «Համաճարակաբանության և հիգիենայի կենտրոն» ՊՈԱԿ։
Այցի շրջանակներում նախարարը շրջել և ծանոթացել է հիմնարկների շենքային պայմաններին, ինչպես նաև հանդիպել բուժանձնակազմների հետ։ Քննարկվել են շենքային պայմանների բարելավման և ընդլայնման, մասնագետների վերապատրաստման, դեղորայքային, բժշկական պարագաների ապահովվածության վերաբերյալ մի շարք հարցեր։
Նախարար Սամվել Ավետիսյանը հանդիպման ընթացքում պատասխանել է բուժանձնակազմների կողմից հնչեցված հարցերին և գործադիր տնօրեններին հանձնարարել ներկայացնել մեկամյա զարգացման ծրագիր:
--00—ԶՀ