ԵՐԵՎԱՆ, ՄԱՐՏԻ 16, 24News
Դոնի Ռոստովում ՌԴ Անվտանգության դաշնային ծառայության սահմանապահ վարչության տարածքում խոշոր հրդեհ է բռնկվել: Հրդեհի պատճառ է դարձել կարճ միացումը, այնուհետև կրակի տարածման պատճառով պայթել են վառելանյութերով և քսանյութերով տարաները: Այս մասին հաղորդում է «Արմենպրես»-ը՝ վկայակոչելով ТАСС գործակալությանը:
Արտակարգ ծառայություններից ТАСС-ին հայտնել են, որ հրդեհի հետևանքով 1 մարդ է զոհվել, 2-ը՝ վիրավորվել: Ռոստովի մարզի իշխանություններն առայժմ հաստատել են 1 հոգու հոսպիտալացման փաստը:
Հրդեհը տեղի է ունեցել երկհարկանի աղյուսե շենքում, որտեղ գտնվում էր պահեստ: Հրդեհի մակերեսը կազմել է 880 քառ. մետր, դրան տրվել է բարդության երկրորդ աստիճան: Շենքի երկու պատերը փլուզվել են:
Գործակալությունը նշում է, որ ըստ քաղաքային իշխանությունների՝ հրդեհը վտանգ չի ներկայացնում հարևան բազմաբնակարան շենքերի համար: Այդուհանդերձ, հարևան շենքերից մեկը և ուսանողական հանրակացարանը տարհանվել են:
--00—ԶՀ