ԵՐԵՎԱՆ, ԱՊՐԻԼԻ 18, 24News
ՀՀ վարչապետ Նիկոլ Փաշինյանը փոխվարչապետ Մհեր Գրիգորյանին և փոխվարչապետի արարողակարգի պատասխանատու Արման Ղազարյանին գործուղում է Ռուսաստանի Դաշնություն։ Տեղեկությունը հրապարակված է e-gov.am տեղեկատվական հարթակում։
«Փաշինյանի որոշմամբ Եվրասիական տնտեսական խորհրդի նիստին մասնակցելու նպատակով 2023 թվականի ապրիլի 20-22-ը Ռուսաստանի Դաշնություն (Մոսկվա) գործուղել պատվիրակություն»,– ասված է որոշման մեջ:
ՀՀ փոխվարչապետ Մհեր Գրիգորյանի և փոխվարչապետի արարողակարգի պատասխանատու Արման Ղազարյանի՝ Մոսկվա գործուղման ծախսերը կատարվելու են փաստացի կատարված ծախսերը հիմնավորող փաստաթղթերի համաձայն:
Վերադարձից հետո պետք է եռօրյա ժամկետում հաշվետվություն ներկայացվի ՀՀ վարչապետի աշխատակազմ, ԱԳ և ֆինանսների նախարարություններ։
--00—ԼՄ