ԵՐԵՎԱՆ, ՄԱՅԻՍԻ 16, 24News
Մայիսի 14-ին Թուրքիայում կայացած նախագահական և խորհրդարանական ընտրություններից հետո Ստամբուլի գլխավոր դատախազությունը հետաքննություն է սկսել սոցցանցերում ընտրությունների արդյունքների վերաբերյալ կեղծ տեղեկություններ տարածող «սադրիչ գրառումներ» կատարողների դեմ։ Այս մասին հայտնում է Ermenihaber.am-ը։
Մասնավորապես հաղորդվում է, որ դատախազությունը սոցիալական ցանցերի օգտահաշիվների նկատմամբ հետաքննություն է սկսել՝ նշելով, որ դրանք ընտրությունների արդյունքներին և երկրաշարժի գոտում գտնվող ընտրողներին ուղղված «սադրիչ գրառումներ» են, որոնք հրապարկայնորեն կեղծ տեղեկություն են տարածում։ Այդ ապատեղեկատվությունն էլ խաթարում է հասարակական կարգն ու անդորրը և ապակողմորոշում լայն զանգվածներին։
Արդեն հայտնի է դարձել, որ նմանատիպ հետաքննություն է սկսվել դերասանուհի Զեյնեփ Բեշերլիի նկատմամբ։
--00—ՅՄ