ԵՐԵՎԱՆ, ՀՈԿՏԵՄԲԵՐԻ 12, 24News
Հայաստանի նախկին վարչապետ, Եվրասիական զարգացման բանկի (ԵԶԲ) «Թվային նախաձեռնությունների հիմնադրամի» ղեկավար Տիգրան Սարգսյանը Աստանայում ընթացող Digital Bridge 2023 համաժողովի ընթացքում հայտարարել է թվային ծրագրերի նոր մրցույթի մասին, հայտնում է ԵԶԲ մամուլի ծառայությունը։
«Քննարկումը ծավալվեց տարածաշրջանային վենչուրային կապիտալի շուկայի զարգացման գործում ինստիտուցիոնալ ներդրողների համագործակցության հեռանկարների շուրջ։ Իր ելույթի ընթացքում Տիգրան Սարգսյանը հանգամանորեն անդրադարձել է ԵԶԲ «Թվային նախաձեռնությունների հիմնադրամի» գործունեությանը, հիմնադրամի կողմից թվային ինտեգրացիոն նախագծերի իրականացման հաջողված օրինակներին, ինչպիսին է «Ճամփորդություն առանց COVID-19»-ի հավելվածը , որն արժանացել է ADFIAP մրցանակին և չունի իր նմանակը, «Աշխատանք ԵԱՏՄ-ում» հավելվածը», - ասված է հաղորդագրությունում։
ԵԶԲ «Թվային նախաձեռնությունների հիմնադրամը», որի գործունեությունը ղեկավարում է բանկի խորհրդի նախագահի տեղակալ, ՀՀ նախկին վարչապետ Տիգրան Սարգսյանը, ստեղծվել է 2020 թվականի հունիսին։ Հիմնադրամի նպատակն է աջակցել ԵԶԲ անդամ երկրների թվային վերափոխման գործիքների և պրակտիկայի մշակմանը, այդ թվում՝ տեղեկատվական ռեսուրսների ինտեգրման և նախագծերի մշակմանն ու ֆինանսավորմանը մասնակցելու միջոցով: Հիմնադրամի առաջատար նախագիծը դարձել է «Ճամփորդություն առանց COVID-19» հավելվածը, որը հաջողությամբ օգտագործվում է ԱՊՀ 9 երկրներում և հնարավորություն է տվել բացել պետական սահմանները կորոնավիրուսային համավարակի ամենաթեժ շրջանում։
--00—ԱՊ