ԵՐԵՎԱՆ, ՀՈԿՏԵՄԲԵՐԻ 19, 24News
Արցախի բանակը լուծարելուց հետո Ադրբեջանի հաջորդ քայլը ՀՀ ԶՈՒ-ի հարցերը լուծելն է լինելու, Արցախի նկատմամբ ռազմական գործողություններից հետո 800 զոհ և վիրավորներ ունեն, այս փուլում նրանք վերականգնվում են։ Այս մասին 24TV-ի հաղորդման ժամանակ նշեց ռազմական փորձագետ Վիտալի Մանգասարյանը։
«Արցախում հաջողություն ունենալուց հետո փորձելու են կուտակված զինտեխնիկան տեղափոխել Տավուշի ուղղությամբ, որ ուժեղացնեն դիրքերը։ Այդ հատվածում նրանց սահմանապահ զորքերն են մարտական հերթապահություն իրականացնում, որը բանակային ստորաբաժանումներից թույլ է, որոշ ժամանակ անց տեղանքին ծանոթանալուց հետո հարմար պահի սկսելու են գործողություններ իրականացնել։ Հաշվի առնելով քայլերի հաջորդականությունը՝ այս փուլում զորքերի տեղափոխման հարցն են լուծելու, որը ընդամենը ամիսների հարց է»,- ավելացրեց նա։
Ռազմական փորձագետի կարծիքով, վտանգ կա, որ խաղաքարտերը կարող են խառնվել և տարածաշրջանում կատաստրոֆիկ իրավիճակ ստեղծվի։ «Իսրայելը մեծ ներդրում ունի Արցախում, Ադրբեջանի հաջողությունների 60 տոկոսը Իսրայելին է վերագրվում։ Ադրբեջանը, որպես փոխհատուցում, պետք է վերադարձնի, այն ձրի չէ, ինչ որ փուլում Ադրբեջանի տարածքը օգտագործվելու է Իրանի դեմ լրտեսական և հետագայում ռազմական գործողությունների համար, ինչը Իրանը լավ է հասկանում»,- ավելացրեց Մանգասարյանը։
Մանրամասները՝ տեսանյութում։
Հերմինե Միքայելյան
--00—ԱՊ