ԵՐԵՎԱՆ, ՆՈՅԵՄԲԵՐԻ 7, 24News
Եթովպիայի հյուսիսային Ամհարա նահանգում ինտենսիվ մարտեր են ընթանում կառավարական զորքերի և աշխարհազորականների միջև ։ Ինչպես հաղորդում է «Արմենպրես»-ը, այդ մասին հաղորդել է տեղական SABC մեդիա խումբը։
Արդեն երկրորդ շաբաթն է, ինչ բախումները շարունակվում են նահանգի տարբեր մասերում։ Երկու կողմերն էլ օգտագործում են ծանր զինատեսակներ։ Օգոստոսին կողմերի միջեւ ձեռք էր բերվել հրադադարի շուրջ համաձայնություն, որը մի քանի անգամ խախտվել էր։
Եթովպիայի դաշնային կառավարությունն օգոստոսի 4-ին արտակարգ դրություն է հայտարարել Ամհարա նահանգում՝ կանոնավոր զորքերի և տեղի աշխարհազորականների միջև բախումներից հետո։ Որոշումն ընդունվել է նահանգի իշխանությունների խնդրանքով։
Նահանգում զինված բախումները սկսվել են այն բանից հետո, երբ դաշնային իշխանությունները պահանջել են զինաթափել աշխարհազորականներին։
--00—ԼՀ