ԵՐԵՎԱՆ, ՀՈՒՆՎԱՐԻ 17, 24News
ՀՀ ԱԺ «Հայաստան» խմբակցության պատգամավոր Սեյրան Օհանյանը խորհրդարանում լրագրողների հետ զրույցում, խոսելով այս տարվա անելիքների մասին ասել է, որ այս տարիների ընթացքում իրենց հիմնական նպատակը եղել է իշխանափոխությունը՝ ընդգծելով, որ ԱԺ-ում աշխատանքը կարևոր է, սակայն համակիրների հետ աշխատանքը ևս կարևոր է։
«2023 թվականը մեր պատմության ամենավատ տարիներից մեկն էր, նսեմացնող էջ է, սակայն 2024 թվականին կօգտագործենք մեր ամբողջ ներուժը թե ԱԺ-ում, թե ԱԺ-ից դուրս։ Օրինակ փողոցային պայքարը, շարժումներ ձևավորելը, որոնք կդանդաղեցնի այն գահավիժումը, որը կա Հայաստանում»,-ասել է նա։
Օհանյանի խոսքով, եթե Նիկոլ Փաշինյանը գիտակցեր այսօրվա ստեղծված վիճակը, ապա ինքնակամ պետք է հրաժարական տար․ «Պետք է հրաժարական տար մի քանի հանգամանքներով, առաջինը՝ պարտված իշխանությունները հեռանում են, երկրորդ՝ նրա վարկանիշը ընկնում է, երրորդ՝ պարտված իշխանությունները չունեն այն ամբողջ լայն ու համարձակ հնարավորությունները, որոնք կարող են օգտագործել արտաքին քաղաքականության, հատկապես բանակցային մարտավարություն ընտրելու համար։ Նրանք ճնշման ներքո են, դրա համար թշնամին հրաժարվում է բոլոր պայմանավորվածություններից»,-նշել է նա։
Մանրամասները՝ տեսանյութում։
--00—ՅՄ