ԵՐԵՎԱՆ, ՓԵՏՐՎԱՐԻ 17, 24News
Մյունխենում հանդիպել են ԱՄՆ պետքարտուղար Էնթոնի Բլինքենը և Ադրբեջանի նախագահ Իլհամ Ալիևը: Այս մասին հայտնում են ադրբեջանական լրատվամիջոցները։
Բլինքենն աջակցություն է հայտնել Ադրբեջանի և Հայաստանի միջև կայուն և արժանապատիվ խաղաղության հասնելուն՝ նշելով, որ ԱՄՆ-ը աշխատանք է տանում այդ ուղղությամբ և անհրաժեշտության դեպքում կշարունակի աշխատել:
Ալիևն իր հերթին նշել է, որ օրակարգում է նաև իրավիճակը Հարավային Կովկասում, մասնավորապես՝ Հայաստանի և Ադրբեջանի միջև խաղաղ կարգավորման հեռանկարները:
«Ադրբեջանը հավատարիմ է խաղաղությանը, և խաղաղ համաձայնագրի շուտափույթ ձեռքբերումը բխում է մեր ազգային շահերից: Ես շատ շնորհակալ եմ Միացյալ Նահանգներին և անձամբ պետքարտուղարին այդ ուղղությամբ նրա ջանքերի համար»,- ասել է Ադրբեջանի նախագահը:
--00—ՅՄ