ԵՐԵՎԱՆ, ՀՈՒՆԻՍԻ 20, 24News
Առաջին ընթերցմամբ Ազգային ժողովն ընդունել է «Աշխատանքային օրենսգրքում լրացում կատարելու մասին» օրենքի նախագիծը, որն առնչվում է 10 և ավելի աշխատակից ունեցող ընկերություններում աշխատավարձերի վճարումն անկանխիկ դարձնելու օրենսդրական նախաձեռնությունը:
«Իմ քայլը» խմբակցության պատգամավոր Գևորգ Պապոյանի օրենսդրական նախաձեռնությանը կողմ է քվեարկել 71 պատգամավոր, դեմ՝ 10, ձեռնպահ՝ 14-ը:
Ըստ նախագծի՝ սահմանվում է նաև, որ, սեփական դիմումի համաձայն, աշխատողն իր աշխատավարձը կարող է ստանալ նաև կանխիկ: