ԵՐԵՎԱՆ, ՕԳՈՍՏՈՍԻ 28, 24News
Հայաստանի Հանրապետության Շիրակի մարզի Գյումրի քաղաքում տրանսպորտային միջոցների մաքսազերծման նոր կենտրոնի կառուցման ծրագրի շրջանակում տվյալ տարածքում շահագործման է հանձնվելու նաև ՀՀ ոստիկանության «Ճանապարհային ոստիկանություն» ծառայության տրանսպորտային միջոցների գրանցման-հաշվառման արդիականացված կենտրոն։
Նշված կենտրոնում քաղաքացիական աշխատանքի անցնելու համար հրավիրվում են Շիրակի մարզի ՀՀ քաղաքացիներ, ովքեր ունեն բարձրագույն կրթություն, համակարգչային գիտելիքների իմացություն, գերազանց տիրապետում են հայերեն լեզվին, ցանկալի է նաև ռուսերեն և անգլերեն լեզուների իմացություն։
ՀՀ ոստիկանության լրատվական ծառայությունից առաջարկում են ցանկացողներին իրենց ռեզյումեները /CV/ ուղարկել [email protected] Ճանապարհային ոստիկանության պաշտոնական էլեկտրոնային հասցեին՝ մինչև 2019 թվականի սեպտեմբերի 7-ը ներառյալ։
2019 թվականի սեպտեմբերի 7-ից հետո ստացված ռեզյումեները /CV/ չեն քննարկվի: