Դատարանը որոշել է սևազգեստ կանանց գործով հայցադիմումը վերադարձնել հայցվորին

ԵՐԵՎԱՆ, ՓԵՏՐՎԱՐԻ 14, 24News

հասարակական

Փաստաբան Ալեքսանդր Կոչուբաևը ֆեյսբուքի իր էջում  տեղեկացրել է, որ դատարանը որոշել է սևազգեստ կանանց գործով հայցադիմումը վերադարձնել հայցվորին։ 

«Ինչպես առավել վաղ հայտնել էի մարտի 1-ի գործով տուժողի իրավահաջորդների հայցը ընդդեմ սևազգեստ կանանց ներկայացված տեսքով վարույթ ընդունվելու շանսեր չունի։

Եվ ահա դատարանը որոշում է կայացրել հայցադիմումը վերադարձնելու մասին։ Ըստ էության, դատարանը արձանագրել է, որ հայցվորների կարգավիճակը նշվել է որպես իրավահաջորդներ, սակայն չեն ներկայացվել վերջիններիս իրավահաջորդ հանդիսանալու հիմքերը:

Բացի այդ՝ հայցվորները չեն վճարել պետական տուրքը, իսկ դատարանը գտել է, որ պետական տուրքից ազատելու հիմքեր չկան /կարծում եմ դատարանը հաշվի է առել նաև իրավահաջորդների ստացած 30 մլն դրամը/։

Եվ վերջապես առկա են բազմաթիվ ընթացակարգային խախտումներ, որոնց չվերացման դեպքում, առհասարակ, կմերժվի հայցը վարույթ ընդունելը»,-գրել է փաստաբանը։

Հիշեցնենք, որ Մարտի 1-ի տուժողների իրավահաջորդները սևազգեստ մայրերի դեմ դատական հայց էին ներկայացրել:

Տեսանյութեր

Live

Լրահոս