Արցախի ԱԺ-ն նիստեր կգումարի փետրվար, ապրիլ ամիսներին․ Աշոտ Ղուլյան

ԵՐԵՎԱՆ, ՓԵՏՐՎԱՐԻ 19, 24News

արցախիաժ

Ազգային ժողովի նախագահ Աշոտ Ղուլյանը խորհրդարանի մշտական հանձնաժողովների ու խմբակցությունների ղեկավարների, աշխատակազմի պատասխանատուների մասնակցությամբ փետրվարի 19-ին հրավիրել է աշխատանքային խորհրդակցություն:

ԱԺ նախագահը խոսել է խորհրդարանի առաջիկա աշխատանքների մասին՝ անդրադարձ կատարելով նոր նստաշրջանի մեկնարկին։ Խոսել է նաև մարտի 31-ին սպասվող համապետական ընտրություններով պայմանավորված՝ խորհրդարանի հետագա ամիսների գործունեություններից։

«6-րդ գումարման Ազգային ժողովը, ամենայն հավանականությամբ, նիստեր կգումարի փետրվար, ապրիլ և, ըստ անհրաժեշտության, նաև մայիս ամիսներին։ ԱԺ 6-րդ գումարման Ազգային ժողովի լիազորությունները կդադարեն մայիսի 21-ին»:

Անցնելով առաջիկա նիստի օրակարգում առաջադրված հարցերի քննարկմանը՝ պետական-իրավական հարցերի մշտական հանձնաժողովի նախագահ Հովիկ Ջիվանյանը, պաշտպանության, անվտանգության և օրինապահպանության հարցերի մշտական հանձնաժողովի անդամ Վիլեն Սաֆարյանը ու արտադրության և արտադրական ենթակառուցվածքվածքների մշտական հանձնաժողովի նախագահ Արպատ Ավանեսյանը ներկայացրել են հանձնաժողովներում քննարկված նախագծերը և դրանց վերաբերյալ հանձնաժողովների տված եզրակացությունները:

Ամփոփելով խորհրդակցությունը՝ Աշոտ Ղուլյանը հայտարարել է, որ 11-րդ նստաշրջանի առաջին նիստը տեղի կունենա փետրվարի 20-ին՝ ժամը 11:00-ին, նիստի ընթացքում կնախատեսվի նաև օրենսդիր-գործադիր հարցուպատասխանի ընթացակարգ:

Տեսանյութեր

Live

Լրահոս