Մեքենայի գազի բալոնն ու պահեստային անվադողը ապամոնտաժել են, որ գողանան․ տեղում բռնվել են

ԵՐԵՎԱՆ, ՓԵՏՐՎԱՐԻ 19, 24News

Ոստիկանության տարբեր ստորաբաժանումների գիշերային ծառայությունները դրական արդյունք են տալիս հանցավորության դեմ պայքարում։ Այդ մասին հայտնում է ոստիկանությունը։

Օրերս գիշերային ծառայության ընթացքում ոստիկանության Արաբկիրի բաժնի ծառայողները հանցագործության հերթական դեպքը բացահայտեցին։

Ոստիկանները տեղում պարզեցին, որ երիտասարդները ապամոնտաժել էին մեքենայի գազի բալոնն ու պահեստային անվադողը, իսկ տաքսին մոտեցնում էին, որպեսզի գողոնը տանեին։

Երիտասարդն ու տաքսու վարորդը, մեքենայով հանդերձ, բերման ենթարկվեցին ոստիկանության Արաբկիրի բաժին։ Ճշտվեցին նրանց ու փախուստի դիմած անձի ինքնությունը։

Բերման ենթարկված Սպիտակ քաղաքի 35-ամյա բնակիչը խոստովանեց, որ անցած ու այս տարվա ընթացքում Երեւանի տարբեր վարչական շրջաններում նույն եղանակով 4 գողություն է արել։

Ձեռնարկվում են միջոցառումներ փախուստի դիմած Գետամեջ գյուղի 24-ամյա բնակչին եւ տուժողներին հայտնաբերելու ուղղությամբ։

Դեպքի հանգամանքները պարզվում են։

Քննությունը շարունակվում է։