ԵՐԵՎԱՆ, ՓԵՏՐՎԱՐԻ 28, 24News
Ռուսաստանի քաղավիացիայի ոլորտը կարգավորող մարմինը՝ «Ռոսավիացիան», որոշում է ընդունել իբրև պատասխան պատժամիջոց փակել երկինքը 35 եվրոպական ու այլ երկրների համար։ Այս մասին հայտնում է «Ռիա Նովոստի» գործակալությունը։
«Ռուսաստանը փակում է իր երկինքը Ավստրիայի, Բելգիայի, Հունգարիայի, Բուլղարիայի, Գերմանիայի, Դանիայի, Իռլանդիայի, Իսլանդիայի, Իսպանիայի, Իտալիայի, Կիպրոս, Լատվիայի, Լիտվայի, Լյուքսեմբուրգի, Մալթայի, Նիդեռլանդների, Լեհաստանի, Պորտուգալիայի, Ռումինիայի, Սլովակիայի, Սլովենիայի, Ֆինլանդիայի, Ֆրանսիայի, Խորվաթիայի, Չեխիայի, Շվեդիայի, Էստոնիայի, ինչպես նաև Ալբանիայի, Մեծ Բրիտանիայի, Անգիլիայի, Բրիտանական Վիրջինյան կղզիների, Ջիբրալթարի, Ջերսիի, Կանադայի և Նորվեգիայի համար», - հայտնել է «Ռոսավիացիան»։
Փետրվարի 24-ին՝ վաղ առավոտյան, Ռուսաստանի նախագահ Վլադիմիր Պուտինը հայտարարել էր, որ սկսում է հատուկ ռազմական գործողություն Ուկրաինայի տարածքում, որի խնդիրն է ապահովել Դոնեցկի և Լուգանսկի հանրապետությունների անվտանգությունը, ինչպես նաև հեռացնել Ուկրաինայի «նացիստական ռեժիմը»: ԱՄՆ-ն ու ԵՄ-ն գնահատել են ՌԴ-ի այս այլն իբրև Ռուսաստանի կողմից ուղղակի ագրեսիա ընդդեմ Ուկրաինայի տարածքային ամբողջականության և ինքնիշխանության։
--00—ՄՀ