ԵՐԵՎԱՆ, ՀՈԿՏԵՄԲԵՐԻ 13, 24News
Վարչապետ Նիկոլ Փաշինյանը Ղազախստանում՝ ԱՊՀ պետությունների ղեկավարների խորհրդի նիստին, անդրադառնալով Ադրբեջանի հռետորաբանությանը, թե իբրև ԼՂ այլևս գոյություն չունի, նկատել է․ «2020-ի նոյեմբերի 9-ի եռակողմ հայտարարության տեքստի շահարկումը, ցավոք, դարձել է Ադրբեջանի քաղաքականությունը, և դա արտահայտվում է նաև նրանով, որ չնայած այն փաստին, որ հայտարարության մեջ հստակ նշված է Լեռնային Ղարաբաղի գոյությունը, Ադրբեջանը պնդում է, որ Լեռնային Ղարաբաղ գոյություն չունի»։
Վարչապետը նաև նշել է, որ հայտարարության 9-րդ կետում «ոչ մի տեղ և ոչ մի կերպ» չի հիշատակվում նաև «միջանցք» բառը։ Այն 2020 թ.-ի նոյեմբերի 9-ի հայտարարության մեջ օգտագործվում է միայն «Լաչինի միջանցք»-ի հետ կապված՝ Լեռնային Ղարաբաղի անվտանգության ապահովման համատեքստում և կապ չունի տրանսպորտային կապերի ապաշրջափակման թեմայի հետ, և այս պայմանավորվածությունների միջև ցանկացած զուգահեռներ համարում ենք մանիպուլյատիվ։
--00—ԼՄ