ԵՐԵՎԱՆ, ՄԱՐՏԻ 18, 24News
Իտալիայի Ա Սերիայի 29-րդ տուրում առաջատար «Ինտերը» հյուրընկալել էր «Նապոլիին»։ Հանդիպումն ավարտվեց ոչ-ոքի՝ 1։1 հաշվով։
Առաջին կեսի վերջնամասում խաղի հաշիվը բացեց տանտերերի պաշտպան Մատեո Դարմիանը։ 81-րդ րոպեին հյուրերից պատասխան գոլը խփեց Ժուան Ժեզուսը։
Հայաստանի ազգային հավաքականի նախկին ավագ Հենրիխ Մխիթարյանը միլանյան թիմի մեկնարկային կազմում էր և մասնակցեց ամբողջ խաղին։
«Ինտերը» 76 միավորով շարունակում է գլխավորել Իտալիայի առաջնության մրցաշարային աղյուսակը։ «Նապոլին» 45 միավորով 7-րդ տեղում է։
Աղբյուրը՝ Armsport.am:
--00—ՅՄ