Գագիկ Ծառուկյանը հարցաքննության կանչվելու մասին Քննչական կոմիտեի ծանուցումը պատռել է

ԵՐԵՎԱՆ, ՀՈՒՆԻՍԻ 13, 24News

Գագիկ Ծառուկյան

ԱԺ «Բարգավաճ Հայաստան» խմբակցության ղեկավար Գագիկ Ծառուկյանը պատռել է հարցաքննության կանչվելու մասին ծանուցումը։ Այդ տեղեկությունը 24News-ի հետ զրույցում հաստատեց Քննչական կոմիտեի տեղեկատվության և հասարակայնության հետ կապերի դեպարտամենտի ղեկավար Նաիրա Հարությունյանը։

«Հունիսի 11-ին ԱԺ «Բարգավաճ Հայաստան» խմբակցության ղեկավար Գագիկ Ծառուկյանն առձեռն ստացել է հարցաքննության կանչվելու մասին ծանուցումը: Ավելին՝ քննչական կոմիտեն գրավոր Կոտայքի մարզային քննչական վարչության ոստիկանի կողմից ստացել է գրություն, որ նա առձեռն Ծառուկյանին փոխանցել է ծանուցումը, սակայն Ծառուկյանն անհարգալից վերաբերմունք դրսևորել իրավապահ մարմնի ներկայացուցչի նկատամբ՝ ծանուցումը պատռել ու դեն է նետել», - ասաց Նաիրա Հարությունյանը։

24news-ը փորձեց ԱԺ պատգամավոր, ԲՀԿ նախագահի խոսնակ Իվետա Տոնոյանից տեղեկություններ ստանալ նախաքննական մարմին չներկայանալու պատճառների մասին, սակայն Տոնոյանը չպատասխանեց զանգերին։

Ավելի վաղ հայտնել էինք, որ Քննչական կոմիտեն Ծառուկյանին հրավիրում է հարցաքննության Աբովյանում «Իմ քայլը» թեկնածուի ենթաշտաբերից մեկի պետի մեքենայի հրկիզման դեպքի մասին արված հայտարարության հետքերով։

Իրավապահ մարմինները Գագիկ Ծառուկյանին բերման չեն կարող ենթարկել՝ հաշվի առնելով նրա պատգամավորական անձեռնմխելիությունը։

Տեսանյութեր

Live

Լրահոս

Related news