ԵՐԵՎԱՆ, ՆՈՅԵՄԲԵՐԻ 15, 24News
«Վազգեն Մանուկյանը դուրս էր եկել լիազորություններից ու զբաղվում էր ընդդիմադիր գործունեությամբ։ Եթե ազնիվ մտադրություններ ունենար, կշարունակեր աշխատել, և մենք նրա հետ խնդիր չէինք ունենա»,- այս մասին 24TV-ի «Հարցազրույց» հաղորդման եթերում ասել է ԱԺ «Իմ քայլը» խմբակցության պատգամավոր Արմեն Փամբուխչյանը։
Ըստ պատգամավորի՝ Մանուկյանի հիմնած «Վերնատուն» հասարակական-քաղաքական ակումբում ներգրավված են մարդիկ, ովքեր երեսուն տարում չկարողացան հաջողել որպես քաղաքական գործիչներ։
««Վերնատունն» ունի ընդգծված կուռատորներ։ Քաղաքական այդ հարթակից սպասելիքներ չունեմ»,- ընդգծել է Փամբուխչյանը։
Անդրադառնալով քննադատություններին, թե իշխանությունները քաղաքական հետապնդումների են ենթարկում նախորդ իշխող համակարգի ներկայացուցիչներին՝ պատգամավորը շեշտել է, որ քաղաքական նպատակահարմարության համար երբևէ որևէ մեկն իրենց օրոք չի ձերբակալվել ու չի ձերբակալվելու։
Առավել մանրամասն՝ տեսանյութում։