Հայ-ռուսական հարաբերությունները ռազմավարական և դաշնակցային բնույթ ունեն․ Լավրով

ԵՐԵՎԱՆ, ՆՈՅԵՄԲԵՐԻ 22, 24News

1

«Հայ-ռուսական հարաբերությունները, որոնք անցել են ժամանակի փորձությունով, ռազմավարական եւ դաշնակցային բնույթ ունեն»,- Երեւանում ընթացող «Պրիմակովյան ընթերցումներ» միջազգային համաժողովի մասնակիցներին հղած իր ուղերձում նշել է Ռուսաստանի ԱԳ նախարար Սերգեյ Լավրովը:

Ուղերձում, որն ընթերցել է ՌԳԱ ակադեմիկոս Ալեքսանդր Դինկինը, մասնավորապես, ասված է. ««Պրիմակովյան ընթերցումներ» միջազգային համաժողովը հեղինակավոր բանավիճային հարթակ է գլոբալ քաղաքականության եւ միջազգային հարաբերությունների խնդիրների վերաբերյալ կարծիքների փոխանակման համար:

Ողջունում եմ մասնակիցների աշխարհագրությունն ընդլայնելու եւ հանդիպումը Երեւանում անցկացնելու նախաձեռնությունը: Մենք դրա մեջ տեսնում ենք 2 երկրների միջեւ վստահության մակարդակի բարձր մակարդակ: Խորհրդանշական է, որ այս միջոցառումը Հայաստանում անցկացվում է Եվգենի Պրիմակովի 90-ամյակին, որը մեծ նշանակություն էր տալիս ԱՊՀ երկրների հետ փոխգործակցությանը եւ զգալի ջանքեր է ներդրել Հարավային Կովկասում անվտանգության ապահովման համար»:

Նշենք, որ նոյեմբերի 22-23-ը Երեւանում ընթանում է «Հայաստանը գլոբալ համատեքստում» թեմայով «Պրիմակովյան ընթերցումներ» միջազգային համնաժողովը՝ նվիրված ռուս պետական գործիչ, գիտնական Եվգենի Պրիմակովի 90-ամյակին: