ԵՐԵՎԱՆ, ԴԵԿՏԵՄԲԵՐԻ 12, 24News
Մեր տեղեկություններով՝ Հանրային խորհրդի նախկին նախագահ, վերջերս բացված «Վերնատուն» հասարակական-քաղաքական ակումբի հիմնադիր Վազգեն Մանուկյանը մոտ մեկ շաբաթ առաջ սրտի վիրահատություն է տարել Ֆրանսիայում։ Ավելի ստույգ՝ բժիշկները կատարել են սրտի շունտավորում։ Այս մասին գրել է Hraparak.am-ը։
Մանուկյանը վաղուց ուներ սրտի հետ կապված խնդիրներ, 90-ականներից սկսած՝ պարբերաբար բուժում էր անցնում Ֆրանսիայում։ Ըստ ամենայնի՝ վերջին իրադարձությունները, մասնավորապես՝ «Վերնատան» շուրջ բարձրացած աղմուկն է արագացրել նրա մոտ սրտի շունտավորման անհրաժեշտությունը։ Մենք տեղեկացանք, որ վիրահատությունն անցել է հաջող, և նա այս գիշեր արդեն վերադարձել է Հայաստան։
Աղբյուրը՝ Hraparak.am