Գյումրեցի տատիկի դին գտնվեց. հուղարկավորել էին Նոր Հաճնում, արտաշիրիմում կարվի. Զոհրաբյան

ԵՐԵՎԱՆ, ՀՈւԼԻՍԻ 2, 24News

դի

ԲՀԿ-ական պատգամավոր Նաիրա Զոհրաբյանը ֆեյսբուքյան էջում գրառում է արել՝ տեղեկացնելով, որ ևս մեկ ահազանգ է ստացա, թե կորոնավիրուսից մահացած է դի է կորել: 

«Գյումրեցի տատիկի դին գտնվեց:

Նրան հուղարկավորել էին Նոր Հաճնում ու հիմա արտաշիրիմում կարվի

Քիչ առաջ դիահերձարանից կորած գյումրեցի տատիկի դին գտնվեց։ Ինչպես եւ ենթադրելի էր, անփութության արդյունքում տատիկին հանձնել էին այլ անձանց, որպես իրենց հանգուցյալ եւ տատիկը հուղարկավորվել էր Նոր Հաճնի գերեզմանոցում։ Այս պահին տատիկի հարազատները ոստիկանական բաժանմունքում են, որից հետո, սահմանված կարգով կիրականացվի արտաշիրիմում եւ տատիկի դին կտեղափոխվի Գյումրի։

Դժվար է ասել սա այս պատմության happy end-ն, թե՝ ոչ, բայց հանգստություն տատիկի հոգուն եւ հույս ունենանք, որ մյուս տարեց կնոջ դին, որի փոխարեն հուղարկավորեցին գյումրեցի տատիկին՝ դեռ չեն կորցրել եւ կհանձնեն հարազատներին»,-գրել է Նաիրա Զոհրաբյանը:

Ավելի վաղ Նաիրա Զոհրաբյանը ֆեյսբուքյան էջում գրառում էր արել՝ տեղեկացնելով, որ քաղաքացիներից մեկն իրեն հայտնել է, որ կորոնավիրուսով վարակված հարազատի դին չեն կարողանում գտնել:

--00—ԼՄ

Տեսանյութեր

Live

Լրահոս