Պաշտպաները միջնորդել են կասեցնել Քոչարյանի և մյուսների քրգործի վարույթը, գործն ուղարկել ՍԴ

ԵՐԵՎԱՆ, ՀՈւԼԻՍԻ 14, 24News

քոչարյան

Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, շարունակում է այսօր սահմանադրական կարգի ենթադրյալ տապալման գործով լսումները։ Այս մասին հայտնում է ՀՀ երկրորդ նախագահի փաստաբանական թիմը:

ՀՀ երկրորդ նախագահ Ռոբերտ Քոչարյանի և պաշտպանության նախկին նախարար Սեյրան Օհանյանի պաշտպանները միջնորդել են կասեցնել քրեական գործի վարույթը և գործն ուղարկել Սահմանադրական դատարան։ Այս պահին միջնորդությունը ներկայացնում է Ս․ Օհանյանի պաշտպան Կարեն Մեժլումյանը։

Նիստի սկզբում դատավորը հայտնել է, որ ստացվել է տուժող Սերգեյ Եղիազարյանի ներկայացուցիչ Էդուարդ Ասլանյանի՝ դատախազներ Գևորգ Բաղդասարյանին և Պետրոս Պետրոսյանին բացարկ հայտնելու միջնորդությունը։ Սակայն Ասլանյանն ինքը առողջական խնդիրների պատճառով չի կարողացել ներկայանալ այսօրվա նիստին, և միջնորդության քննարկումը հետաձգվել է։

--00—ԼՄ