Լավ առիթ է, որ պարոն Բաբաջանյանը մանդատը վերադարձնի «Լուսավոր Հայաստան»-ին. Կարեն Սիմոնյան

ԵՐԵՎԱՆ,  ՍԵՊՏԵՄԲԵՐԻ  17,  24News

Thumbnail

ԱԺ «Լուսավոր Հայաստան» խմբակցության անդամ Կարեն Սիմոնյանը ֆեյսբուքյան իր էջում արձագանքել է տեղեկությանը, որ այսօր տեղի կունենա նոր ԱԺ պատգամավոր Արման Բաբաջանյանի կուսակցության հիմնադիր համագումարը:

«Սա շատ լավ առիթ է, որպեսզի պարոն Բաբաջանյանը վերջապես սկզբունքայնություն դրսևորի և վերադարձնի մանդատը «Լուսավոր Հայաստան» խմբակցությանը։ Թող նորաստեղծ իր ուժով մասնակցի ընտրությունների, ստանա սեփական քվեն և վերցնի այն մանդատը, որը կպատկանի իրեն։

Եթե նման սկզբունքայնություն չդրսևորվի, կստացվի, որ այս կուսակցությունը, դեռևս չստեղծված, հանդիսանում է Լուսավոր Հայաստանի ենթաստորաբաժանումը, որովհետև նախաձեռնողն այն ստեղծում է ԼՀԿ մանդատով և ԱԺ ամբիոնից հայտարարում, որ խորհրդարանում ներկայացնելու է այդ նորաստեղծ ուժին։

Ուրիշի մանդատով ձևավորվելիք ուժը լեգիտիմ լինել չի կարող...»,- գրել է նա:

--00--ԱԹ

Տեսանյութեր

Live

Լրահոս