Այս կերպ 21-րդ դարը ոչ թե մերն լինելու, այլ մեր վերջինը. Արմեն Աշոտյան

ԵՐԵՎԱՆ, ՀՈւՆՎԱՐԻ 16, 24News

աշոտյան

Տարածաշրջանային լայն համագործակցության ինքնախաբեությամբ տառապող շրջանակներին ուզում եմ հիշեցնել, որ նման վտանգավոր թեզերը հետևողականորեն հրապարակ են նետվում թյուրքական քարոզիչների կողմից, այս մասին ֆեյսբուքյան իր էջում գրել է ՀՀԿ փոխնախագահ Արմեն Աշոտյանը։

«Վերջին, ամենաուշագրավ փաթեթավորումն արել էր Թուրքիայի նախագահը իր 6-ակողմ «պլատֆորմի» առաջարկով, որտեղ Հայաստանին «մեծահոգաբար» տեղ է առաջարկվում՝ «խելոք պահելու» դիմաց։

Այո, տարածաշրջանային ինտեգրված պլատֆորմների օրինակներ կան՝ Բենիլյուքս, Մերձբալթիկա, Պիրենեյներ, Սկանդինավիա։
Մարդ, ով իրեն հայ է համարում, որքան տգետ կամ միամիտ պետք է լինի, որ հավատա Հարավային Կովկասի նման հեռանկարին՝ Հայաստանի արժանապատիվ գոյությամբ։

Մոռացե’ք։ Մեր տարածաշրջանն անգամ Բալկաններ չեն, որ նման հույսեր ունենաք։

Տարածաշրջանային ցանկացած պլատֆորմ ստեղծված իրավիճակում ենթադրելու է Հայաստանի պետության դե ֆակտո չգոյություն և Արցախի վերջնական հայաթափում։

6 երկրների շարքում մեզ վերապահված է լինելու միայն վերջին հորիզոնականը։

Այս կերպ 21-րդ դարը ոչ թե մերն լինելու, այլ մեր վերջինը», - նշել է Աշոտյանը։

--00--ԱՀ

Տեսանյութեր

Live

Լրահոս