ԵՐԵՎԱՆ, ՄԱՅԻՍԻ 21, 24News
«Հայաստանում օրենսդրական մակարդակի վրա երեք տարով պետք է արգելել օպտիմիզացիա բառի օգտագործումը պետական պաշտոնյայի կողմից: Օպտիմիզացիայի անվան տակ ամեն ինչ ուղղակի փակում են: Գիշերօթիկը փակեցին, մանկատները, ծննդատները: Այս մարդկանց աշխատաոճը սա է: Նայում են, տեսնում, որ պարգևավճարի համար գումարը պակասում է, չի հերիքում, մտածում են՝ որտե՞ղ մարդ կրճատել: Նրանք երբեք չեն մտածում՝ ինչպես անել, որ ընդհանուրը՝ ՀՆԱ-ն մեծացնել, որ այդտեղից բոլոր ոլորտներն իրենց մասնաբաժինը ստանան»,-այս մասին ասել է ՀՀ երկրորդ նախագահ Ռոբերտ Քոչարյանը:
«Մենք գալիս ենք հասկանալու համար՝ ի՞նչն է սխալ արվել, և դա պետք է շտկենք: Ընդհանրապես, նոր կառավարության առաջին 1-2 ամիսը պետք է լինի հասցված վնասի գնահատումը: Պետք է հասկանանք՝ որտեղ ինչ կարգի վնաս է հասցվել: Դա արվել է հեղափոխական էնտուզիազմի ֆոնի վրա: Ընդհանրապես, հեղափոխական էնտուզիազմը միշտ տգիտության հետ սերտաճված է լինում: Այսպիսի խոսք կա. Что может быть хуже дурака? Дурак с ининцативой. Նախաձեռնող տգետը, հատկապես իշխանություն ունեցող տգետը, պատուհաս և պրոբլեմ է երկրի համար:
Կորոնավիրուսի պանդեմիայի ժամանակ ես չէի հասկանում, թե ինչու են պաշտոնյաները միշտ խոսում, թե ինչպես պետք է ձեռքերը լվանալ: Բայց ոչ մի էպիդեմիոլոգ, ում սուրբ պարտականությունն է խոսել և ով պետք է ղեկավարեր այդ պայքարը, գոնե մի անգամ չի խոսել:
Այո, ամեն ինչ շտկելու ենք: Դրա համար էլ գալիս ենք»,-ասել է Քոչարյանը:
--00--ԿԿ