ԵՐԵՎԱՆ, ՀՈՒՆՎԱՐ 17, 24News
Հայաստանի Հանրապետական կուսակցությունը վաղը՝ ժամը 18։00-ին, Գերագույն մարմնի նիստ կանի։ Այս մասին լրագրողների հետ զրույցում ասել է ՀՀԿ կազմակերպչական հանձնաժողովի նախագահ Ռուբեն Թադևոսյանը։
Ռուբեն Թադևոսյանի խոսքով նիստը վարելու է ՀՀԿ նախագահ, ՀՀ 3-րդ նախագահ Սերժ Սարգսյանը։
«Մեր կանոնադրության համաձայն՝ կուսակցության մշտական գործող ղեկավար մարմնի նիստերը հրավիրում ու վարում է կուսակցության նախագահը»,- ասաց Թադևոսյանը։
Վերջինս օրակարգի մասին տեղեկություններ չտվեց՝ նկատելով, որ օրակարգը ձևավորվում է տեղում՝ կուսակցության նախագահի և գործադիր մարմին անդամների առաջարկությունների հիման վրա։