ԵՐԵՎԱՆ, ՆՈՅԵՄԲԵՐԻ 18, 24News
Ռուսաստանի վարչապետ Միխայիլ Միշուստինը այսօր երկօրյա աշխատանքային այցով կժամանի Հայաստան, այդ մասին հայտնում է ՌԴ կառավարության մամուլի ծառայությունը, գրում է «ՏԱՍՍ» գործակալությունը։
Ըստ աղբյուրի՝ Միշուստինը Երևանում կմասնակցի Եվրասիական տնտեսական միության միջկառավարական խորհրդի նիստին։
«Նոյեմբերի 18-19-ը Երևանում ՌԴ վարչապետ Միխայիլ Միշուստինը կմասնակցի Եվրասիական միջկառավարական խորհրդի հերթական նիստին։ Առաջիկա հանդիպումը կլինի 29-րդը ԵԱՏՄ-ի 2015 թվականի հունվարի 1-ից ի վեր և չորրորդը՝ այս տարի»,-նշվում է հայտարարությունում։
Ըստ աղբյուրի՝ հանդիպման օրակարգում ԵԱՏՄ շրջանակրում ինտեգրման խորացման հրատապ խնդիրներն են։
«Հատուկ ուշադրություն է դարձվելու ներքին շուկայի գործունեությանը, ագրոարդյունաբերական համալիրի զարգացմանը, մետալուրգիական ձեռնարկությունների հումքի մատակարարմանը, ինչպես նաև Միության անդամ երկրներին դեղամիջոցներով և դեղագործական նյութերով ապահովելուն։ դիտարկել ԵԱՏՄ անդամ երկրների խնդիրները կլիմայական գլոբալ օրակարգի համատեքստում»,- պարզաբանել են ՌԴ նախարարների կաբինետի մամուլի ծառայությունում։
--00—ԼՄ