ԵՐԵՎԱՆ, ՄԱՐՏԻ 2, 24News
Այսօր՝ մարտի 2-ին, ավտովթար-հրդեհ է տեղի ունեցել Վայոց Ձորի մարզում։ Ժամը 13։40-ի սահմաններում Երևանի բնակիչ՝ 47-ամյա Կարեն Գասպարյանը իր վարած Dodge Challenger մակնիշի ավտոմեքենայով Երևան -Երասխ-Մեղրի ավտոճանապարհի 111.7 կմ հատվածում դուրս է եկել դեպի ձախ, բախվել ժայռին և կողաշրջվել։ Այս մասին հայտնում է Shamshyan.com-ը։
Բախման հետևանքով ավտոմեքենայում հրդեհ է բռնկվել։
Ըստ նախնական տեղեկությունների՝ բարեբախտաբար, տուժածներ չկան։
Աղբյուրի տեղեկություններով՝ վարորդ Կ. Գասպարյանն աշխատում է Երևանի թիվ 18 դպրոցում՝ որպես զինղեկ։
--00--ԿԿ