ԵՐԵՎԱՆ, ՆՈՅԵՄԲԵՐԻ 5, 24News
2022 թվականի նոյեմբերի 16-ից «Ճանապարհային դեպարտամենտ» հիմնադրամում կսահմանվի շուրջօրյա հերթապահություն, որի ընթացքում 24-ժամյա տեղեկատվություն կհավաքագրվի Հայաստանի բոլոր միջպետական և հանրապետական նշանակության ճանապարհների անցանելիության վերաբերյալ՝ այդ մասին ծանուցելով հանրությանը։
Այս մասին տեղեկացնում է Շիրակի մարզպետարանն ու նշում, որ մարզային նշանակության ճանապարհները սպասարկող կազմակերպությունները պատրաստվում են ճանապարհների ձմեռային պահպանման աշխատանքներին։
2022 թվականի նոյեմբերի 16-ին կմեկնարկի ճանապարհների ձմեռային սպասարկումը‚ որը կշարունակվի մինչև 2023 թվականի մարտի 31-ը։
Շիրակի մարզի ճանապարհները սպասարկող թվով 4 կազմակերպությունների կողմից կատարվում են նախապատրաստական աշխատանքներ՝ աղ-ավազի պաշարների կուտակում, պահանջվող մեքենա-մեխանիզմների տեխնիկական վիճակի բարելավում և այլն։
--00--ԱՀ