ԵՐԵՎԱՆ, ՀՈՒՆՎԱՐԻ 8, 24News
Ադրբեջանի իշխանությունների հետ վարած բանակցություններում մենք հստակ զգուշացրել ենք սիոնիստական ռեժիմի ներկայության և ազդեցության հետևանքների մասին՝ տնտեսական և մշակութային համագործակցության տեսքով։ Այս մասին իրանական լրատվամիջոցներին ասել է Ադրբեջանում Իրանի դեսպան Սեյեդ Աբբաս Մուսավին։
«Իրանը շահագրգռված չէ, որ հարևան երկրները դառնան մի վայր, որտեղ Իրանը հաշիվներ է մաքրում սիոնիստական ռեժիմի հետ։ Բայց եթե Իսրայելը կարծում է, որ մերձենալով Իրանի հարևանների հետ, կարող է անդունդ ստեղծել հարևան մուսուլմանական երկրների միջև և սպառնալ Իրանին իր ներկայությամբ, ապա պետք է իմանա, որ սխալ տեղ է ընտրել դրա համար և անպայման կզղջա»,-ասել է դեսպանը։
--00—ՅՄ