ԵՐԵՎԱՆ, ՄԱՐՏԻ 21, 24News
Ստամբուլում քաղաքային ավտոբուսը, դուրս գալով երթևեկելի ճանապարհից, մխրճվել է անցորդների բազմության մեջ, տուժել է 3 մարդ, հաղորդում է թուրքական NTV հեռուստաալիքը:
Միջադեպը տեղի է ունեցել Ստամբուլի Ֆաթիհ շրջանի Բեյազիտ թաղամասում:
Նշվում է, որ կանգառին մոտենալիս վարորդը կորցրել է ղեկի կառավարումն ու հարվածել նաև մայթեզրի մոտ կայանած 12 մեքենայի: Ավտոբուսի վարորդը ձերբակալվել է:
Հայտնի է, որ մարմնական վնասվածքներ ստացած 3 մարդ հոսպիտալացվել է, առավել թեթև վնասվածքներ ստացածներին շտապօգնության աշխատակիցներն օգնություն են ցուցաբերել տեղում: