Մերձավանում շունը կծել է 76-ամյա կնոջը․ նա մահացել է

ԵՐԵՎԱՆ, ՆՈՅԵՄԲԵՐԻ 3, 24News

22479b830bd1140388ab722b3affa581_1698992437_v1.thumb_

Նոյեմբերի 1-ին, ողբերգական դեպք է տեղի ունեցել Արմավիրի մարզում: Ժամը 09:30-ի սահմաններում ՀՀ Ներքին գործերի նախարարության Ոստիկանության Արմավիրի մարզային վարչությունում օպերատիվ տեղեկություններ են ստացվել, որ Մերձավան գյուղում թափառող շունը հարձակվել է քաղաքացու վրա և կծել: Այս մասին հայտնում է shamshyan.com-ը։

Տեղում պարզվել է, որ տեղեկությունը հավաստի է և ոստիկանները, ժամանելով Մերձավան գյուղի բուժամբուլատորիա, այնտեղ հայտնաբերել են կնոջ դի:

Պարզվում է, որ ժամը 09:15-ի սահմաններում Արմավիրի մարզի բնակիչ 76-ամյա Սուսաննա Փ.-ի վրա է հարձակվել թափառող շունը և կծել, կնոջը տեղափոխել են ամբուլատոր կենտրոն և մինչ շտապօգնության ժամանումը նրա ինքնազգացողությունը կտրուկ վատացել է և հանկարծամահ է եղել: 

--00—ՅՄ