Կինը նոր հաղթանակներ կերտելու լիցքեր է տալիս ամեն օր և ամենուր՝ թե պատերազմի և թե խաղաղության օրերին

ԵՐԵՎԱՆ, ՄԱՐՏԻ 8, 24News

Screenshot_10

ՀՀ ԱԺ «Հայաստան» խմբակցության պատգամավոր Սեյրան Օհանյանի ուղերձը Մարտի 8-ի առթիվ․

«Սիրելի' կանայք

Ի սրտե շնորհավորում եմ բոլորիդ գարնանային այս գեղեցիկ օրվա՝ Կանանց տոնի կապակցությամբ։ Եվ այն խորին համոզմունքն ունեմ, որ կին էակին պետք է երջանկացնել ու տոն պարգևել ամեն օր, որովհետև կնոջ արարիչ էությունն է կյանքի աղբյուրը, և կինը այն ուժն է, որ իր խորհրդավոր ու գեղեցիկ ներկայությամբ, հավատարիմ ու տաք շնչով ապրելու, արարելու, աննկուն մաքառելու ու նոր հաղթանակներ կերտելու լիցքեր է տալիս ամեն օր և ամենուր՝ թե պատերազմի դաշտում և թե խաղաղության օրերին՝ ժամանակի շրջապտույտը դարձնելով ավելի գունեղ  ու անմոռանալի։

Ի սրտե բոլոր կանանց Սեր եմ մաղթում, երջանկություն և միայն բարին․․․»։

--00—ՅՄ