ԵՐԵՎԱՆ, ԱՊՐԻԼԻ 15, 24News
Քաղաքական իրավունքների հայկական կենտրոնը հայտարարություն է տարածել ակտիվիստ Վահագն Չախալյանի՝ «Stop Nikol» ակցիային և վերջինիս բերման ենթարկելու դեպքին․
Ապրիլի 14-15-ի գիշերը քաղաքական ակտիվիստ Վահագն Չախալյանը բերման է ենթարկվել Stop Nikol գրառմամբ գրաֆիտի անելու համար (տեսանյութը)։
Ըստ տեսանյութի՝ բերման ենթարկելուց առաջ նոր պարեկային ծառայության ներկայացուցիչը ակցիան գնահատում է «քաղաքական» և հարցնում, թե արդյո՞ք ակցիայի մասին իրազեկել կամ տեղեկացրել են որևէ պետական մարմնի։ Շարունակելով, պարեկը հայտնում է․ «Գրառում եք արել ու իմ կարծիքով սրա համար պետք է մոտենանք բաժին»։
Քաղաքական իրավունքների հայկական կենտրոնը ուսումնասիրելու է այս դեպքը և հետագա զարգացումները։
Միաժամանակ հարկ ենք համարում հիշեցնել․
1․ Մինչև 100 մասնակից ունեցող հավաքների պարագայում որևէ մարմնի իրազեկելու կամ տեղեկացնելու պարտավորություն գոյություն չունի (տե՛ս Հավաքների ազատության մասին ՀՀ օրենքի 9-րդ հոդվածը)
2. «Քաղաքական գրաֆիտին» գտնվում է արտահայտման ազատության տիրույթում (տե՛ս Իբրահիմովն ու Մամմադովն ընդդեմ Ադրբեջանի, 2020 թ․, ՄԻԵԴ (63571/16), 167-րդ պարբերություն)։
--00—ՍՊ