Գառնի գյուղի բնակիչները էլեկտրահարման եղանակով 130 ձուկ են որսացել

ԵՐԵՎԱՆ, ՕԳՈՍՏՈՍԻ 20, 24News

Բնապահպանության և ընդերքի տեսչական մարմնի Վայոց Ձորի մարզի տարածքային բաժնի աշխատակիցների հետ համատեղ ստացված տվյալներն իրացնելիս Վայքի ոստիկանները օգոստոսի 18-ին՝ ժամը 05.30-ին, Արփա գետի մոտ հայտնաբերել են Գառնի գյուղի բնակիչ երկու տղամարդու, որոնք էլեկտրահարման եղանակով ապօրինի որսացել էին 130 ձուկ: 

Պարզվել է, որ նրանց իր վարած «Սամանդ» մեքենայով գետափ է տեղափոխել մեկ այլ գառնեցի: Երեքն էլ մեքենայով հանդերձ բերման են ենթարկվել բաժին:

Նրանց մոտ հայտնաբերվել են մարտկոց, ձկնորսական ցանց, ռետինե երկարաճիտ կոշիկներ, ինքնաշեն հոսանքափոփոխիչ և 130 կարմրախայտ:

Վնասի չափը պարզվում է: 

Նախապատրաստվում են նյութեր:

Տեսանյութեր

Live

Լրահոս

Related news