ԵՐԵՎԱՆ, ՀՈՒՆԻՍԻ 16, 24News
«Պնդումները, թե Ադրբեջանը իր դրոշն է բարձրացրել Հայաստանի տարածքում, իրականությանը չեն համապատասխանում», - այսօր Twitter-ում գրել է Ադրբեջանի ԱԳՆ պաշտոնական ներկայացուցիչ Այխան Հաջիզադեն, հայտնում է «Ազատությունը»։
«Երեկ, երբ Ադրբեջանի ինքնիշխան տարածք հանդիսացող Հակարիի կամրջի վրա գտնվող Լաչինի սահմանապահ անցակետում բարձրացվել է Ադրբեջանի դրոշը, Սահմանապահ ծառայության աշխատակիցների ուղղությամբ կրակ է բացվել։ Այդ կամուրջը կառուցվել է Ադրբեջանի կողմից՝ կարճ ժամակահատվածում, և պնդումները, թե դրոշը բարձրացվել է Հայաստանի տարածքում, անհիմն են», - պնդել է Հաջիզադեն։
Հայկական կողմն ընդգծում է, որ երեկ ադրբեջանցիները փորձել են առաջ շարժվել և Ադրբեջանի դրոշը տեղադրել Հայաստանի՛ տարածքում, համացանցում նաև համապատասխան տեսանյութեր են տարածվել:
--00--ԶՀ