ԵՐԵՎԱՆ, ԴԵԿՏԵՄԲԵՐԻ 4, 24News
Իսրայելի պաշտպանության բանակը հայտարարել է, որ Լիբանանից ականանետային արկերով հարվածներ են հասցվել Շտուլա բնակավայրի հատվածում տեղակայված ԻՊԲ-ի դիրքերին։
«Արմենպրես»-ի փոխանցմամբ՝ գերատեսչությունը նշում է, որ ԻՊԲ-ի 3 զինվորներ թեթև վիրավորվել են և տեղափոխվել բուժհաստատություն։
Բացի այդ, ականանետային արկեր են արձակվել Յիֆթահ կիբուցի մոտ գտնվող ԻՊԲ-ի դիրքի վրա։
Իսրայելի պաշտպանության բանակը նաև հայտնել է, որ դեկտեմբերի 3-ին ԻՊԲ-ի կործանիչը հաջողությամբ կալանել է Լիբանանից դեպի իսրայելական տարածք արձակված օդանավը։
Ավելի վաղ Naharnet լրատվական հարթակը հաղորդել էր, որ Իսրայելի ռազմաօդային ուժերն անօդաչու թռչող սարքերով Լիբանանի հարավում հայտնաբերել և հարվածներ են հասցրել այն շարժական արձակման կայանքներին, որոնցից շիաների «Հեզբոլլահ» շարժման զինյալները գնդակոծել են Իսրայելի հյուսիսային շրջանները։
--00—ԼՀ