ԵՐԵՎԱՆ, ԱՊՐԻԼԻ 17, 24News
Կոլաբորացիոնիստական վարչակարգերն ունեն հստակ կարգավորում՝ արտաքին անվտանգությունը տալիս են թշնամուն, այսինքն՝ հանձնվում են, իսկ ներսում ստեղծում են ոստիկանապետություն, որ ընդդիմախոսների արյան գնով պահպանեն սեփական գոյությունը: Սա հստակ նորմավորված մոտեցում է, որը հատուկ էր, օրինակ, ֆրանսիական վիշիստական մարիոնետային կառավարությանը: Արտաքին անվտանգությունն ապահովում էին հիտլերականները, ներքինը՝ մարշալ Պետենի ժանդարմերիան: Հիմա Հայաստանը պատուհասած քպ-ական կոլաբորացիոնիստական վարչակազմը շարժվում է հենց այս տրամաբանությամբ:
Արտաքին անվտանգությունը ապահովելու համար ապավինում է Թուրքիային և Ադրբեջանին՝ դրա դիմաց ուրանալով Արցախը, կասկածի տակ դնելով ցեղասպանությունը, ջարդելով մեր ինքնության հիմնասյուները, իսկ ներսում ստեղծում է ոստիկանապետություն: Սրա տիպիկ օրինակը Սամվելի հետ կատարվածն է, երբ պետության կողմից ձերբակալված մարդուն ոստիկանները հանձնում են դիմակավորված եսիմ ում, ու վերջիններս նրան խոշտանգում են փողոցում: Նման բան նորանկախ Հայաստանի պատմության մեջ ուղղակի չի եղել: Այսինքն, ՔՊ-ն ցույց է տալիս, որ հաշվեհարդար է տեսնելու ցանկացած մեկի հետ, որն իր դեմ է դուրս եկել՝ անկախ արարքից: Կրկնում եմ, ենթադրյալ հանցանք գործած մարդուն ձերբակալում են ու թույլ տալիս, որ ինչ որ վարձկաններ փողոցում խոշտանգեն: Այն քպ-ականները, որ վաղը փրփուրը բերաններն արդարացնելու են այս զազրելի, քստմնելի միջադեպը, թող հիշեն, որ եթե/երբ այս երկրում իշխանություն փոխվի, ողջամիտ կասկած ունեմ, որ կարող են հայտնվել ՁՊՎ-ներում: Իսկ այնտեղից դեպի ՔԿ-ներ ու այլ վայրեր ճանապարհը երկար է: Սա կարմիր գիծ է:
Նարեկ Գալստյան
24News-ի տնօրեն
--00—ԼՀ