ԵՐԵՎԱՆ, ՆՈՅԵՄԲԵՐԻ 7, 24News
Զոհված զինծառայող, հրետանավոր, հայտնի լուսանկարի տղայի՝ Ալբերտ Հովհաննիսյանի հայրը ֆեյսբուքյան էջում գրառում է արել որդու զոհվելու 40-րդ օրվա կապակցությամբ:
«Հարգելի՛ հայրենակիցներ,
Նոյեմբերի 8-ին լրանում է իմ որդու՝ Ալբերտ Հովհաննիսյանի զոհվելու 40-րդ օրը: Այս օրերը իմ ընտանիքի համար լի էին ցավով, տառապանքով, արցունքով ու նաև անասելի հպարտությամբ, որ Հերոս որդի ունենք: Շնորհակալ եմ բոլորից, որ այս օրերին մեր կողքին եք և կիսում եք մեր ցավը:
Կիրակի՝ ժամը 14:00-ին հավաքվելու ենք Եռաբլուրում՝ Ալբերտի շիրիմի մոտ, խնկարկելու նրա հիշատակը: Ուզում եմ խնդրել և հորդորել, որ այդ օրը ծաղիկներ գնելու համար նախատեսված գումարը դարձյալ փոխանցեք «Հայաստան» համահայկական հիմնադրամ:
Մենք շարունակելու ենք մեկտեղել մեր ջանքերը՝ հանուն Ալբերտի երազած Հաղթանակի, Խաղաղության, Հայրենիքի:
Խաղաղություն մեր երկրին և #Հաղթելուենք»:
--00—ԼՄ